Kalaallit Nerisaat.



Kalaallit Nerisaat.
Nerisavut pillugit oqaluttuat.
#ISF26. 4 - 8 November, 2026.



Kalaallit nerisassaataat, eqqumiitsuliorneq, ilisimatussuseq ataatsimoornerlu. Nuna imarlu inuunitsinnut siunissatsinnullu.

ILLU Science and Artimi Novembar 4-8, 2026 ulluni tallimani peqatigisigut, tassani sammissuagut nerisassat kulturikkut pingaaruteqassusaat.

Aaqqissuussinermi pingaarnertut sammineqassapput Kalaallit Nerisaat, sammisap

imarissuai issittumi oqaluttuat, misigisat, ilisimatusarneq isummallu, kikkulluunniit piumasut tikilluaqqusaapput. Nerisat sammisami qitiutinneqassapput, inuussutissatut kulturikkullu ilisarnaatitut. Nerisat kinaassutsimut, ataatsimoornitsinnut oqaluttuarisaanitsinnullu pingaaruteqarput.

Sammisami misilittakkat, ilisimasaqassuseq naleqartitallu aallaavigalugit peqqinnerup tungaatigut, paasisassarsiornerup tungaatigut niuernerullu tungaatigut qanoq pilersitsisinnaanerat paasisassarsiorfigineqassapput.

Nuannaarutigalugu nalunaarutigissuarput Kuluk Helms ulluni pineqartuni aqutsisussammat. Kuluk isiginnaartitsisartuuvoq, kulturimik ingerlatitseqqiisoq, uaajeertartoq, taalliortoq, filmiliortittartoq ilinniartitsisorlu.

PEQATAAGIT Ullumikkut allatsigit!

Ullumikkut peqataanissamut nalunaarit illu@uib.no



Aaqqissuussinerup ingerlanissaa.


Pingasunngorneq Novembarip sisamaat, nal. 13:00.


Klaus Skytte oqallinnermi aqutsisoq (TBC).

Issittumi inuiaqatigiinnut nukissiuuteqarneq, patajaassuseq najukkamilu ineriartortitsineq.

  • Kalaallit nunaanni issittullu sinnerani nukissamik pilersuinerup patajaattuunissaa, pilersuinissamut qulakkeerinninneq najukkamilu ineriartortitsineq pillugu oqallinneq.
  • Anguniakkat iliuuseqarfiginissaat: Issittumi sumiiffinnilu avinngarusimasuni nukissiuuteqarneq pillugu ilisimasat.
  • Kalaallit Nunaanni, nunani avannarlerni issittumilu inuiaqatigiinniit misilittakkat avitseqatigiissutigineqassapput. Tamatuma kingorna suut iluatsittarnersut qanorlu misilittakkat suleqatigiissutigineqarsinnaanersut aammalu tamanna qanoq.

Sunniuteqarluarnerusinnaanersoq ammasumik oqallisigineqassaaq Nordic Energy Research aamma Ilulissat Science Forum suleqatigiillutik sammisaq ingerlatissuaat. Peqataasunut tamanut ammasuuvoq.

Oqaloqatigiilernissamut aallarniut: Kalaalimerngit, imigassat imigassartaqanngitsut (mocktail) nilalerlugit.


Sisamanngorneq Novembarip tallimaat. 
9:00 to 21:00.

Nerisat, peqqinneq kinaassuserlu

Issittumi inuit kinguaariippassuarni qanoq aniguisarlutillu ineriartorsimappat?Ilisimatusarnerup nutaap nerisaqarneq, kingornuttakkat peqqinnerullu imminnut ataqatigiinnerat qanoq takutippaat? Aammalu Kalaalimerngit siunissatsinnut qanoq ilinniarfigisinnaavagut?

Kalaalimerngit qanoq isilluta siunissami nerisassanut ineriartortitsinermut atorsinnaavagut? Suut periarfissaappat? Suliarinneriaatsit, imaanilu pissutsinik pitsaanerusumik atuinermi suut periarfissaappat?

09:00 Tikilluaqqusineq.

Ullumikkut Kalaallit Nunaanni peqqinneq

Nerisat, kingornuttakkat taavalu peqqinneq pillugu ullumikkut nunatsinni suut ilisimavagut? Sukkornermik taavalu nappaatinik allanik ataavartumik nappaateqalernissamut kingornuttakkat qanoq sunniuteqartarpat? Taavalu Kalaallit Nunaanni misilittakkat siunissami katsorsaanernut nutaanut qanoq ilisimasaqarfigilerneqarsinnaappat?

  • Tuperna Davidsen Nurse and Project Manager, suliniummilu aqutsisoq, Steno Diabetes Center Greenland.
  • Trine Louise Jul Larsen peqqissaasoq, Peqqissaasoq, PhD, Kalaallit Nunaanni
    Peqqinnissaqarfik    .
  • Jasmin Hjerresen PhD-nngorniartoq, Novo Nordisk Foundation Center for Basic Metabolic Research.

Ullup qeqqasiorneq oqallinnerlu: Nerisap imarisaaniit nerisassamut

Qaaqqutsiaq Fenger Lynge Geitmyra Juniorkokkerimi igasoq atuartut peqatigalugit Atuarfik Mathias Storchimi ullormi uani iggavimmiissooq, kalaalimerngit paasisassarsiorfigalugillu misissorneqassapput. Atuartut nerisassanik piareersaallutillu sassaalliissapput, taavalu ilisimasatik misilittakkatillu avitseqatigiissutigalug.

Nerisassat siunissarlu

Stefán Tryggvason pisortaq, Royal Greenland, Ilulissat.

Kalaalimerngit ilimagisatsinniit peqqinnarneruppat?

Ilisimatusartut, igasut peqataasullu akornanni ammasumik oqallinneq.

17:00 - 19:00 Unnukkorsiornissamut unikkallarneq.

19:00 - 21:00 Nerisat, eqqaamasat kinaassuserlu.

Nerisat, eqqaamasat kinaassuserlu

Oqaluttuartartup eqqumiitsuliortullu peqataasut inuunermi ilaqutariit kulturillu iluani pingaaruteqassusaa pillugu avitseqatigiissuteqarnissaannut qaaqqussuai.


Tallimanngorneq novembarip arferngat.
10:00 to 22:00.


Food for Thought.

Nerisassat eqqarsaatigeqqillugit Ilisimasat, ilisimatusarneq taavalu Kalaallit Nunaat pillugu paasinninneq

Kalaallit Nunaanni suut ilisimatusaatigineqarpat? Tamakku ilisimasat qanoq pilersitsiortorneqarpat kiallu tamanna ingerlappaa?


Ammasumik oqallinneq

Qanoq isilluta Kalaallit Nunaanni ilisimatusarnerit nunatsinnut attuumassuserneqarnissaat qulakkeersinnaavarput? Qanoq isilluta ilisimatusarneq nunaqavissunut iluaqutaanissaa qulakkeersinnaavarput?

Ullup qeqqasiorneq – Nerisassat akuiniit nerisassamut

Qaaqqutsiaq Fenger Lynge atuartut peqatigalugit kalaalimerngit pillugit misileraallutillu paasisassarsiussapput. Ullup qeqqasiuutissat piareersarlugillu sassaalliutigissuaat, ilisimasatik misilittakkatillu avitseqatigiissutigissuaat.

Inuit nerisaqarnerat pillugu paasisat – Qaannamiit paasisanut

Piffimmi misissuisarnermiit oqaluttuat, qaannamik angalanerit sineriammiillu naapitaniit oqaluttuassarsiat.


Inuit nerisassaataannik inuussuteqarneq

Saqqummiineq alapernaassusermik paasisassarsiorfiusussaq, suleqatigiinneq taavalu oqaluttuat takunngitsuukkat, ilisimatusarnermi inerniliussanut anngutinngitsoortartut.

Oqallinneq

Kalaallit Nunaanni ilisimasaqassuseq suna nunatta pisariaqartissuaa?

Ilisimatusartut, atuartut peqataasullu nerrivimmi oqallisissapput. Paninnguaq Boassen, Jasmin Hjerresen, Trine Louise Jul Larsen, Paula Schmitz aamma Mike Keen allallu (her har jeg fjernet komma mellem Trines navne).

17:00 Kalaallisut nerisassioriaatsimut peqatigitigut.

18.30 - 22:00 Nereqatigiinneq oqaluttuaqattaannerlu.

Kalaallit Nunaanni nerisassat akui pillugit oqaluttuaqattaannermi ataatsimooqatigiinnermilu nerrivimmi ataatsimooqatigisigut. Qajartortarneq, misissuisarneq taavalu ulluinnarni nunatsinni inuuneq pillugu oqaluttuarneq.

Arfininngorneq novembarip arfineq aappaat.
10:00 to 16:00.


10:00 Nerisassat eqqarsaatigeqqillugit.

Ileqqumiik siunissamut

Nunatsinni niuernerup siunissaa: Kulturikkut kingornussat, najukkami pissarititaasut ileqqullu qanoq isillutik siunissami pitsaasumik niuernermut, suliffissanut periarfissanullu nutaanut pilersitsinermut atorneqarsinnaappat?

Karsten Høy Director, Visit Ilulissat.

Halibut Greenland

Qanoq isilluni ineriartorneq aalisartut, nunaqavissut piginneqatigiinnerlu atorlugit ineriartorneq ingerlanneqarsinnaava? Mittarfissuartaarneq nunaqavissullu niuernerat niuernermilu periarfissat nutaat qanoq sunniuteqassappat?

Erik Sivertsen CEO, Halibut Greenland.

Ilinniartitaaneq inuussutissarsiutinullu sungiusarneq

Qanoq isilluta inuusuttut ilinniarnermut kaammattorsinnaavagut? Ilisimasaqassuseq, pisinnaasat piginnaasallu qanoq ataqatigiippat? Klassip iluaniiginnarani inuuneq piviusoq appakaaffigalugu ilinniarneq ingerlaleraangat qanoq pisoqartarpa?

Marianne Nissen, Project Manager of Establishing a Vocational School in Ilulissat. Ministry of Education, Culture, Sport and Church.

12:00 Ullup qeqqasiorneq.

Najugaqartut nerisassaataat ussikkit, taakkuninngalu sanasut naapillugit.

14:00.

Ujaqqat ukkusissallu pinngortitap pisuussutai

Majken Djurhuus Poulsen Nunaleritooq. 

Ulluni pingasuni sammineqartunut qiviaqqinneq inerniliinerlu

Pingaarnersiunermi, nutaanik attaveqaateqalernermi isumassarsianillu avitseqatigiinneq, siunissami suleqatigiinnissaq inuiaqatigiinnilu ataatsimoornermik nukittorsaaneq..

Ilaqutariinnut aaqqissuussineq
16:00 - 18:00

Ujaqqat ukkusissallu pinngortitap pisuussutai

Majken Djurhuus Poulsen, Nunaleritooq, Ujaraatitit nassakkit taakkulu pillugit
annertunersumik paasisaqarlutit..

“Kissatsikkiartorpugut”

Dronit atorlugit takutitassiami puisinik ujaasineq.

Paula Schmitz, Uumassusileritooq, Pinngortitaleriffik Paasissutissat kingusinnerusukkut ikkunneqassapput.

Sapaat novembarip arfineq pingajuat.


Iluliarsuarnut umiatsiarneq (akimut ilaariinngilaq)
10:30-12:00

Ilaqutariinnut aaqqissuussaq
14:00 - 17:00

Ujaqqat ukkusissallu pinngortitap pisuussutai

Majken Djurhuus Poulsen, Nunaleritooq, Traditional Kitchen. Ujaraatitit nassakkit taakkulu pillugit annertunersumik paasisaqarlutit.

“Kissatsikkiartorpugut”

Dronit atorlugit takutitassiami puisinik ujaasineq.

Paula Schmitz, Uumassusileritooq, Pinngortitaleriffik Paasissutissat kingusinnerusukkut ikkunneqassapput.


Paasissutissat pingaarutillit.


Nalunaarneq PEQATAAGIT Ullumikkut allatsigit!

Peqataanermut aki

3.000 DKK. Avannaata kommuniani najugaqartunut akeqanngilaq.

Sumiiffik

Illu – Science and Art, Ilumiut 18, Ilulissat.

Angalaneq

Silap allanngupiloortarnera angalanermillu ajornakusoortitsisinnaasarnera peqqutigalugu Ilulissanut tikiaarnissaq kaammattuutigineqarpoq. Sapaatip akunnikaartumik Københavnimiit Ilulissanut timmisartoqartarpoq, Nuumminngaanniillu Air Greenland aqqutigalugu ullut tamaasa timmisartoqartarluni.

Ineqarneq

Inunnut ataasiakkaanut paasissutissiissutigineqarumaarpoq. Ilulissani hotelit
tassaapput: Ilulissat Hostel, Blue Trail Guesthouse. Hotel Arctic, Hotel SØMA, Hotel Ilulissat, Hotel Icefiord, Hotel Hvide Falk and Hotel Nuka. There are also other alternatives, such as Ilulissat Guesthouse and Blue Trail Guesthouse. Hotel SØMAmi taavalu Hotel Ilulissat-ni akit allaanerusut apeqqutigikkit.

Aaqqissuussinermut ataatsimiititaliaq



Ilulissat Science Forumimi suleqatigisat.


Peqatigiiffik ILLU – iluanaarutitaqanngitsumik najugaqavissut ingerlataat.

ILLU Science & Art Hub
Avannaata Kommunia
Universitetete i Bergen

Ingerlatsinermi immikkut qujaffigerusutat:

NORDEAFONDEN
NUNAFONDEN
The Research Council of Norway
Halibut Greenland
Royal Greenland
NAPA The Nordic Institute in GreenlandLions Club Ilulissat
Hotel Arctic
Hotel SØMA
Hotel Ilulissat




CVR-nr45936333 / ILLU Science & Art is funded by: